ބިގްފިޝް އިން މަސްވެރިން ކިރުވި ކަންނެއްޔަށް ފައިސާނުދީ ރިސޯޓެއް ހަދަނީ!

ބިގްފިޝްއަށް މަސްވެރިން ކިރުވި ކަންނެލި މަހުގެ ބިލްތަކަށް ފައިސާ ނުދީ ބިލްތަށް ކުރެޑިޑް ކުރާތާ 3 މަސްދުވަހާ ގާތަށް ގޮސްފައިވުމާއެކު މަސްވެރިން އެކުމުގެ ނުރުހުން ވަރަށް ބޮޑަށް ފާޅުކުރަމުން އެބަދެއެވެ.

މަސްވެރިރާއްޖެއަށް މައުލޫމާތު ދެއްވަމުން ހއ. އިހަވަންދޫ ކެޔޮލަކު ފާހަގަ ކޮށްފައިވާގޮތުގައި ބިގްފިޝް ކުންފުނިން ބިލްތަށް ކުރެޑިޓް ކުރުމާއެކު ދޯނި މަހަށް ފުރުމުގައި ވަރަށް ބޮޑު ތަކުލީފެއް އުފުލަން ޖެހިފައިވާ ކަމަށާއި، މި ކަމުގެ ސަބަބުން ފަޅުވެރިންގެ ހަރަދުތަށް ކުރުމުގައި ދަތިވެ ފަޅުވެރިންތައް މާޔޫސްވެ މަހައް ނިކުތުމުގެ ރޫހު ކުޑަވެފައިވާކަމަށެވެ. އަދި ކުރިން ފުރިހަމަ ހިދުމަތެއް ދެމުންއައި އެ ކުންފުނިން މިހާރު މަސްވެރިންނަށް ފޯރުކޮށްދޭ އައިސްވެސް ލިބުމުގައި ވަރަށްވެސް ދަތިތަކެއް ހުރިކަމަށް އޭނާ ފާހަގަކޮށްފައިވެއެވެ.

ކަންނެލި މަސްވެރިކަމުގައި ނަން މަސްހޫރު އދ. މަހިބަދޫ ދޯންޔެއްގެ ވެރިއަކު މަސްވެރިރާއްޖެއަށް މައުލޫމާތުދެއްވަމުން ބިގްފިޝް އަށް ކިރުވާ ކަންނެލި ބިލުތަށް ފައިސާނުދީ ބިލްތަށް ކުރެޑިޓްވާން ފަށާފައިވަނީ އެ ކުންފުނިން ހދ. މަކުނުދޫ ފަރުހިއްކައި އެއާޕޯޓްހަދުމުގެ މަސައްކަތް ކުރަން ފެށިފަހުން ކަމާއި އަދި މަސްވެރިންގެ ބިލްތަކަށް ފައިސާނުދީ ދިގުދަށްމައި މަސްވެރިންގެ ފައިސާއިން ވިޔަފާރިކޮށް މަކުނުދޫ އެއާޕޯޓާއިއެކު އެތަނުގައި ރިސޯޓެއް ހެދުމަށް ތައްޔާރުވަމުންދާތީ ކަމުގައެވެ.

މަސްވެރިން ކިރުވާމަހަށް ޑރ. މުއިއްޒުގެ ސަރުކާރާއެކު ރައްޔިތުންގެ ކުންފުނި މިފްކޯއިން ފައިސާލިބުން ލަސްވެ، މިކަން އާންމު ކަމަކަށް ވެފައިވުމާއެކު މަސްގަންނަ އަމިއްލަ ކުންފުނިތަކުންވެސް ދަނީ އެކަން ވަރަށްބޮޑަށް ތަކުރާރުކޮށް މަސްވެރިން ކިރުވާ މަހަށް ފައިސާނުދީ ދިގުދައްމަމުންނެވެ. މިކަމުގެ ތެރޭގައި މަސްވެރިން ގަނަތެޅެމުންދާއިރުވެސް ފިޝަރީޒް މިނިސްޓަރ ޝިޔާމް އަދި ސަރުކާރުން މިކަމަށް ރިއެކްޓް ނުކޮށް ބަހެއް ނުލިބިދިގުލައިގެން ދިއުން އެއީ މަސްވެރިންނާއި އާއިލާތަކަށް ލިބޭނެ އިތުރުހިތާމައެއް ގޮތުގައި މަސްވެރިން ފާހަގަ ކުރައްވައެވެ.