މަސްވެރިންނަށް ނުދެވި ހުރި ފައިސާއިން ބައެއް މާދަމާ ޖަމާކުރަނީ
މަސްވެރިންއަތުން މިފްކޯއިން ކްރެޑިޓައް މަސްގަނެ ނުދެވިހުރި ފައިސާއިން 100 މިލިޔަން ރުފިޔާ މާދަމާ ޖަމާކޮއްދޭން ނިންމައިފިއެވެ.
ފިޝަރީޒް މިނިސްޓްރީން އެކްސްގައި ކޮށްފައިވާ ޕޯސްޓެއްގައި ވަނީ މަސްވެރިންނަށް މިހާތަނަށް ނުދެވިހުރި ފައިސާ ދިނުމަށް ސަރުކާރުން ކުރަމުން އަންނަ މަސައްކަތުގެ ތެރެއިން މަސްވެރިންނަށް 100 މިލިޔަން ރުފިޔާ މާދަމާ ދިނުމަށް ހަމަޖެހިފައިވާކަމަށެވެ.
މިފްކޯއަށް ކިރުވި މަހަށް ފައިސާ ނުލިބޭތާ 2 މަސްދުވަހަށްވުރެއް ގިނަދުވަސް ވުމުގެ ސަބަބުން ގިނަ މަސްވެރިންނާއި އޮޑިވެރިން ދިޔައީ ކަންބޮޑުވުންފާޅުކުރަމުންނެވެ.
އެގޮތުން މަސްވެރިންނަށް މިހާ ހައްސާސް އަދި މާލީ ބޮޑު ތާށިކަމެއްގައިވަނިކޮށް މިފައިސާދިނުމަށް ސަރުކާރުން ނިންމުމަކީ މަސްވެރިންނަށް ލިބިގެންދާނެ ވަރަށްބޮޑު އުފަލެކެވެ.